【一生一世盃】余德丞撐簡尼

【Now Sports】熱刺周二作客大戰車路士，作為其中最狂「熱」的藝人余德丞（Dickson）既是熱刺忠粉，問他對世界盃的看法前，自然也先談及熱刺。至於今屆世界盃，他支持的是英格蘭，支持的是前熱刺隊長哈利簡尼。

熱刺來到季尾尚未登上安全島，Dickson對熱刺是愛之深，責之切：「熱刺最大問題係買錯球員，1月轉會窗咁多傷兵，都只係買一個中場中路。明知唔夠創造力同入唔到波，都唔對症下藥。之前夏天轉會窗，買返嚟嘅同之前走咗嗰啲球員，根本兩個層次。上年泰利都證明踢唔到英超，仲要買。去到最後借埋高路姆亞尼，又係冇英超經驗，完全踢唔到。根本冇一個可以孭飛。」

「傷兵多當然都係問題，但呢啲無得賴。同埋大家都冇熱情去踢，一潭死水。」雖然熱刺護級形勢好轉，但他認定愛隊護級仍有危機：「車仔死都唔會放，當年爭聯賽冠軍都係死喺佢哋手。不過踢到咁，都係自己攞嚟，另一個問題係唔用自己青訓嘅球員。一定係呢啲流住熱刺血嘅會特別落力。呢幾年唔係冇，但全部唔用，寧願用其他又貴又冇用嘅外援。」

「重新出發都係好事。」Dickson坦言隨時作最壞打算。

說回世界盃，曾擔任世界盃節目評述員及主持的他，最難忘是 2014年巴西主辦的一屆。「因為係人生第一次講波。仲要死都唔唞，由2100睇到0300，但都好過癮。」他表示今屆支持英格蘭，同時撐前熱刺射手哈利簡尼：「支持簡尼，希望佢球員生涯可以得到佢 deserve嘅獎。因為佢實在係一個太出色嘅球員，場內場外都係好榜樣。」

Dickson看準英軍爭冠軍存在有利與不利因素：「可能係英超球隊賽程比較chur，好多球員營營役役，冇停過，踢咗好多場，唔知狀態會點。不過，霍頓今年唔受曼城重用，可能休息夠，反而對英格蘭係好事。」

「有利係上次大賽（2024年歐洲國家盃）入到決賽，可能心態會好啲，同埋多咗經驗。」他續說。

下次預告：法國狂迷現場睇足愛隊整屆賽事。

【一生一世盃】，睇波美好回憶，可以係一生一世。決賽周前訪問不同界別球迷，分享睇世盃的難忘回憶，以及對今屆賽事的睇法。

相關文章：
【一生一世盃】嫁著馬騮隨山走
https://sports.now.com/home/wc2026/details?id=39616300974
【一生一世盃】劉舜文：最想同路維睇波
https://sports.now.com/home/wc2026/details?id=39613823882
【一生一世盃】居港西班牙人：決賽周兩邊飛
https://sports.now.com/home/news/details?id=39606745542
【一生一世盃】馬評人CP難忘與故友
https://sports.now.com/home/news/details?id=39601023934
【一生一世盃】植詠珊：最想約螢花隊友睇波
https://sports.now.com/home/news/details?id=39597496200

英超 車路士 對 熱刺
Now TV 623台 20/05 03:15直播

【世盃仲有3日開波】簡尼：高溫無阻「獅」吼

1小時前

克羅地亞補時絕殺 挪威逼和摩洛哥

4小時前

巴西補選紅魔準新兵踢世盃

7小時前

拿高士文：韋赫奧高與卡爾俱天賦異稟

9小時前

傳加維操練唔收腳鏟飛洛迪

11小時前