鄧俊文前十字韌帶斷裂 鄧謝配無緣亞運

【Now Sports】香港羽毛球混雙組合「鄧謝配」成員鄧俊文於社交網頁宣佈，因前十字韌帶斷裂，將無緣今屆亞運及即將展開的世錦賽，但他強調「一定會返嚟架！」。

距離亞運尚有約1個月，下周亦迎來世界羽毛球錦標賽，31歲港隊成員鄧俊文卻在社交媒體公佈受傷的消息，「前排喺一次練習時受傷，最後證實前十字韌帶幾乎完全斷裂，所以好遺憾同大家講，我同阿雪（混雙拍檔謝影雪），無辦法第三次參加亞運會，亦都要退出下星期舉行嘅世錦賽。」

俊文續謂，「喺受左（咗）傷之後嘅一段時間，由一開始晴天霹靂，到今日我自己心情都已經慢慢平伏落嚟，未來有一段長時間我哋『鄧謝配』會暫別球場一段日子，不過我亦都唔甘心因為今次受傷就咁原地退役，畢竟而家我哋擁有咁好嘅教練團隊，我同雪都好希望我喺康復之後可以嘗試打落去。」

不過這名亞錦賽冠軍份子強調「一定會返嚟」，「下一次比賽可能就去到洛杉磯奧運積分周期開始嘅階段，未來雖然唔可以預測，但手術後我會好好休養同治療，希望休息過後健健康康行番（返）上球場比賽，繼續為未完成嘅目標進發。今次嘅暫別雖然有啲長，但係我一定會返嚟架！」

陳善鈺馮靖晞爭后座　劉子均決賽遇梁子軒

3小時前

黃杜配歐洲大滿貫混雙奪亞 黃鎮廷陳顥樺再闖決賽

13小時前

杜凱琹歐洲大滿貫混雙女雙分途爭冠

21小時前

杜凱琹吳詠琳歐洲大滿貫挫世一 偕黃鎮廷陳顥樺闖4強

2026/08/14 06:46

黃杜配歐洲大滿貫反勝入4強

2026/08/13 20:59