【專訪】兵迷：迫彭馬往邊路

【Now Sports】阿仙奴周日與車路士爆發倫敦打吡大戰，賽前邀請雙方球迷會代表大談愛隊現況，以及為今場大戰作出預測。

問：記者
答：Siu Bo（阿仙奴香港官方球迷會幹事）

問：點睇球隊喺今屆轉會窗嘅部署？
Siu Bo：重奪英超獎盃嘅阿仙奴，相信以加深板凳深度及針對性補強作為轉會部署。新兵索利斯延續熱身賽嘅火熱狀態，於社區盾交出兩次助攻，協助阿仙奴以3:0輕取曼城，之後英超地標戰又有高強度推進，同關鍵傳送，唔單止獲得主帥阿迪達公開讚賞，更馬上成為球迷心目中嘅新寵兒。阿仙奴今夏另一宗最重磅收購，就係從紐卡素簽入基馬尼斯，主因係佢攻守兼備，又有英超經驗，屬於即戰力型中場。後防線上主力沙利巴因傷缺陣，阿仙奴從阿士東維拉簽入干沙作為替補，其最大賣點係有英超經驗，加上可以踢中堅，亦可補右閘，正好舒緩阿仙奴應付沙利巴同添巴傷缺帶來嘅防線壓力。
3宗轉會，反映阿仙奴今夏轉會部署好清晰：唔單止補強，更要提供即時戰力，而且具備位置彈性嘅球員。加上恩卡比亞正式永久轉會，相信今年阿仙奴仍係有力爭標嘅列強之一。

問：馬天尼利同加比爾捷西斯都離開，而蜘蛛仔最後並冇加盟，目前阿仙奴前線火力足夠嗎？
Siu Bo：單以前場攻擊手計，阿仙奴尚有哈伐斯、約基利斯、薩卡、索利斯、艾斯、馬度亞基，杜文……相信可以填補兩位巴西球員離隊嘅空缺。反而值得一提係：馬天尼利離開後，球會點樣安排歐聯4+4嘅青訓要求？呢一點，我更拭目以待。

問：點睇今日呢場打吡大戰？阿仙奴有何爭勝有利、不利因素？
Siu Bo：對車路士一直都唔係容易嘅事，幸好近年同車路士交手取得不俗成績，近10次對碰取得7勝3和，2021年後，阿仙奴未曾敗陣於車路士。主場優勢當然係其中一大因素，加上車路士最近兩場英超比賽共失5球，沙比阿朗素係咪已經將其足球哲學灌輸到藍軍當中？似乎仲需要一段時間。

問：敵方高爾彭馬狀態大勇，如何應對？
Siu Bo：高爾彭馬強於中路組織，往往於膠著時送出一腳致命傳送，隨時可以左右賽果。因此，我認為阿仙奴可以於中路加強防守力度，例如以蘇比文迪取代路易斯史基利出任正選，夥拍迪勤懷斯組成雙防中，嘗試迫使彭馬往邊路，減低其威脅。

問：估計戰局會點發展？
Siu Bo：預計兩隊控球比例相當，阿仙奴憑主場優勢取得較有威脅嘅攻門，預計贏2:0完場。

英超 阿仙奴 對 車路士
Now TV 621台 06/09 23:30直播
Now TV 611台 4K直播

【專訪】車迷：賣安素可以接受

1小時前

狂牛之友！阿迪達「控制」VS 阿朗素「反擊」

4小時前

阿迪達鬥「車」前推崇薩卡：提升另一層次

6小時前

馬利斯卡：安素表現相當好

7小時前

【英超‧預告】車仔乘勇向槍手挑機

9小時前