【躉我講隊波】有驚無險首名……然後呢？

【Now Sports】英格蘭在最後一輪分組賽對巴拿馬，只要贏波就幾乎肯定首名出線。雖然筆者向來是悲觀英格蘭球迷，但賽前也有信心愛隊能順利取勝，畢竟兩隊實力和身價也相差一大截——大家還記得2018年世界盃，英軍在分組賽同樣遇上巴拿馬，結果大勝6:1嗎？
撰文：Jansen（英格蘭擁躉）

事隔8年後，兩隊再次相逢，雖然同由英格蘭勝出，但賽果由大比數交易變為小勝2:0。英軍延續上仗對加納的狀態，面對密集再次顯得無從入手，而巴拿馬的球員質素比加納更遜一籌。整個上半場，只有今屆世界盃首任正選的華舒福一記中龍射門較有威脅。同樣首任正選的摩根羅渣士表現平平，在攻中位置無甚作為，論創造力及靈光一閃傳送，落選的高爾彭馬比他高半班。

好在英格蘭在下半場終於醒覺，如果創造力不夠，便努力靠死球打破悶局吧。結果真係由薩卡靚開角球，比寧咸（Jude Bellingham）在對方後衛力壓下，仍能快腳射破網，打破僵局。隨後英軍快刀斬亂麻、趁巴拿馬失球後信心動搖，5分鐘後再由比寧咸左路傳中，隊長哈利簡尼搶點成功，輕鬆頂入拉開至2:0。

簡尼入波後，雙方知道大局已定，英格蘭開始換走多名主力，巴拿馬亦似無心戀戰，補時一球越位詐糊未能令他們破蛋，最終成為「四零部隊」出局。

老老實實，英格蘭今場表現仍未能令人信服，如果這是杜曹的部署，希望留力令球隊不要太過鋒芒畢露，表面結果而言是成功的。問題是︰英格蘭進入淘汰賽階段後，真的可以踢出強隊風範嗎？對此我是一貫地謹慎、非常地有保留。

撰文：Jansen
前音樂雜誌《mcb》作者，現開設了「字裡知音人」樂評網站。愛音樂，亦愛足球。音樂口味非常大愛，會聆聽及Respect不同音樂類別；足球就十分專一，只捧曼聯和英格蘭。

【躉我講隊波】由列強擁躉在每場比賽後講愛隊。

阿根廷半場2：0約旦 阿爾及利亞半場1：1奧地利

2小時前

【世盃‧K組總結】酸葡萄

3小時前

【世盃‧POTM】迪奧高哥斯達（葡萄牙）

3小時前

【世盃‧POTM】韋沙（剛果民主共和國）

3小時前

民主剛果除「烏」下輪鬥英格蘭 韓國出局！

3小時前