【叁港亞洲盃】「輝」盡全力探戈 但求落幕無悔

【Now Sports】葉鴻輝在球場上的氣吞山河，編者坐在他身旁訪問時都感覺到氣牆非淺，一股強流壓在身上。不過沒有十足霸氣，又如何守護港隊大門十四載。

守護港隊大門十四載，最為人深刻的當然是他在19歲時為港隊贏得東亞運金牌，被眾人稱為「英雄輝」，自此長披港隊的一號戰衣。時光荏苒，33歲的阿輝為港隊立下不少汗馬功勞，他陪伴港隊經歷高低起跌，隊中的面孔變更時常，唯獨他仍站在白線前守護港隊。

但同樣的是足球潮流也出現變化，現今的龍門也不可以只站在白線前撲救，腳下功夫亦相當重要，阿輝予人的印象是相對傳統的門將，腳下功夫方面不太擅長，所以用球較為好的保羅及後起之秀謝家榮，先後動搖到他的正選位置，他被問到這方面的問題時，稍為有點急躁地回應：「即使年紀大咗，唔代表我跟唔上潮流，亦唔代表我嘅用波唔好，同埋安達臣都無要求龍門要好叻用波，佢係想我哋盡量簡單啲，直接將個波踢上前，令個波可以快啲喺前場，然後再做前場壓逼同埋攻勢。」

「不過我自己都33歲，呢個位置遲早都要有人接班。」

阿輝坦言歡迎他人挑戰他的正選龍門位置，更樂見有人接班：「其實呢個位置係靠大家推動大家，亦唔怕人哋挑戰，最好3個龍門互相幫助大家進步；同埋家榮都好後生，大家見到佢喺亞運嘅表現，足夠證明佢可以喺港隊立足，我暫時嚟睇長遠都會係佢接我班，我嘅心態除咗繼續競爭之外，都會諗點樣幫到佢繼續進步，希望可以令佢喺國際賽嘅表現再好啲，繼而可以順利穩定咁接棒。」

話回此行亞洲盃，阿輝披甲91場乃港隊歷史上陣最多球員，即使曾與日韓強國交手的他早已見慣大場面，但對亞洲盃這個舞台也相當期待和憧憬。

他謂：「其實好期待呢個比賽，之前跟東方去過踢最高級別嘅亞洲球會賽事，依加就代表港隊踢最高級別嘅亞洲賽，相信我哋隊內好多球員好期待，甚至乎係唔少人嘅夢想。加上係卡塔爾比賽，有唔少球場都搞過世界盃比賽，全部都係高規格同質素嘅球場，作為球員係會好享受喺呢啲球場作賽。」不過，談及此行再次碰頭伊朗時，阿輝稱「想就一定想喺對方身上攞分，但我哋係有明顯差距，唔係咁易，同埋分組賽唔係單單睇一場比賽，我哋希望可以憑最佳第3名出線。」

「今次可能都係我大賽嘅最後探戈。」

由弱冠之年為港摘金，到而立之年統領港隊歷經56年再次征戰亞洲盃決賽周，阿輝自知過程不容易，他指：「其實港隊下次再入大賽唔知會係幾時，我都唔希望今次係我嘅最後一次，我亦會去享受呢一次亞洲盃，亦都想同球迷分享呢份喜悅。」話音剛落，他就寫下了此行希望對球迷說的話。

「加油。」

阿輝見盡球迷於球場由人跡罕至變到人山人海，他對於這一切是感激無言，所以看似普通而平凡的一句，對於他而言是意義深重，「香港隊以前係無乜人支持，甚至我哋係唔鍾意踢主場嘅比賽，係寧願踢作客；咁但係近呢幾年多咗好多球迷支持我哋，都真係加大到我哋落場嘅動力。」他笑言：「我又唔知點去形容呢個感覺，嗰句『加油』，係因為你哋同我哋係同在，無你哋唔會有我哋。」

港隊最後一場分組賽今晚11時硬撼巴勒斯坦，可能是在此行的最後探戈，但正如阿輝所言，讓我們為港隊「加最大嘅油」，不問前程吉凶，但求落幕無悔。


【壹港亞洲盃】勞烈斯：小小漁港定能震驚世界
https://sports.now.com/home/news/details?id=38878122653

【貳港亞洲盃】潘沛軒：相信便成真
https://sports.now.com/home/news/details?id=38879246152

拜仁維拉8.7會師啟德 門票5.14公開發售

2026/04/21 21:37

英意班霸8月匯聚啟德 門票5.14公開發售

2026/04/21 13:43

10人九龍城2：1挫東區

2026/04/19 21:16

理文4：1破傑志不敗身

2026/04/18 21:30

香港足球先生5.31揭盅

2026/04/17 19:02