【一零義陣式】海鮮波是禍是「福」？

【Now Sports-體育】周中英超加開快車，愛華頓作客「宿敵」利物浦以2:5大敗，跌落聯賽榜尾3降班區，主帥馬高施華繼普捷天奴及艾馬利後，又一個領隊被解僱。英超領隊的確唔易做，儘管蘇斯克查帶領曼聯周中2:1擊敗熱刺，全取3分升至聯賽榜6位，但蘇B仍是下個被炒領隊大熱，僅次於韋斯咸的柏歷堅尼。
撰文：盧永義

曼聯開季至今表現飄忽，魔迷心情時高時低，有如坐過山車。尤其面對Big 6球隊錄得3勝2和不敗佳績，就連今屆成績相當突出的李斯特城亦要俯首稱臣，但勢估唔到接連失分予護級球隊。今季踢出鋤強扶弱的「海鮮波」，很大程度上與球隊戰術有關，遇上強隊依靠快速防反取得入球，但當面對中下游球隊的陣地戰，組織力極弱的紅魔就變得老鼠拉龜。

更重要的是，曼聯進攻過於集中在華舒福身上，當福仔發揮失準，便會牽連整隊表現。福仔今季交出9個入球、4個助攻，既是隊中射手，同時亦是助攻王，以紅魔23個聯賽入球來計，超過1半入球都與這名英格蘭新星有關。9球進帳中，5球來自對戰Big 6球隊時取得，入球「含金量」相當高，但聯賽始終是場持久戰，福仔必須提高長期穩定度。

數據顯示，埋門一腳是福仔弱項，在各射手的入球轉化率中，福仔屬於偏低水平，只有18.8%，相比李斯特城前鋒華迪的37.8%、車路士艾巴咸的24.4%、阿仙奴奧巴美揚的26.3%、曼城阿古路的21.4%及利物浦文尼的25%都要低。換句話說，紅魔要解決「海鮮波」情況，福仔便需要提升埋門把握力。香港時間周日凌晨曼聯將作客同市死敵曼城，且看這名22歲「大賽球員」能否再次成為關鍵勝利人物。


本欄逢星期六上載
作者簡介：盧永義（102），運動及數字愛好者，熱愛足球，為業餘專欄作家，冀以風趣生動方式分享體育之樂。

電郵：102talksport@gmail.com

圖片來源 : ©AFP

費爵爺讚朗尼有名帥潛質

3小時前

般奴誓阻紅軍奪20冠睇齊曼聯

4小時前

愛華頓1月專注清貨 唔買人

4小時前

普巴：最討厭做後備

6小時前

摩佬否認送巴爾返皇馬

8小時前