【我們都是這樣睇波的】我愛金絲雀（上）

【now.com體育】我係諾域治（金絲雀）球迷，由10月14日開始到10月29日去諾域治睇波，睇咗作客對紐卡素（輸2:6）同主場對西布朗（輸0:1）嘅比賽。黑仔嘅我會諗，如果我嘅出現真係會令愛隊或者支持嘅球員無法贏波，咁我亦認真諗過，寧願以後唔再去朝聖，因為唔好影響到人哋——但當然，只係感性啲咁諗，當你活生生睇住自己隊波畀人攻入6球，依然可以帶住笑臉離開球場，咁先代表你有幾支持球隊，根本已經唔係在乎贏輸。
撰文：XXL16

我唔否認贏咗會開心啲，但只係輸一場波又如何？足球唔係輸，和就係贏，又可能我已經昇華到只係享受過程！星期六（上星期六對西布朗）踢主場，喺球會停車場，我啲波衫一定可畀佢哋簽到名，尤其我嘅首要目標係識法文而唔講英文，有一大把頭髮嘅馬保卡尼！【編按：筆者最終如願，並提供了與馬保卡尼的合照。】

不過，上星期六我去咗杜根咸（Dagenham）睇波，睇佢哋英乙對哈特普爾（Hartlepool），因為上一年5月喺港會嘅7人足球賽，答應去睇當時花旗銀行明星隊嘅前諾域治前鋒，剛過了40歲生日嘅古尼頓（Jamie Cureton）。上季諾域治踢英冠同英乙撞晒時間，但今季剛好諾域治作客對紐卡素改星期日踢，所以就到時間。我早上搭火車去，11點左右去到。小球會，除了clubshop真係比較簡陋之外，所有喺球會你見到嘅staff都好nice。去了programme shop，上了40分鐘足球歷史課，令我一個自以為對英國足球好熟識嘅人只可以乖乖聽書，亦知道杜根咸同韋斯咸嘅密切關係。

之後我畀球會評述員見到，tweet咗我相片上BBC London Sports，至於原價21鎊嘅球票係免費，因為古尼頓嘅compansation ticket，座位是球員家屬位置，後備席側，我坐咗喺前葉士域治球員李察士（Matt Richards）旁邊睇波，只可惜未能夠為杜根咸帶來好運，輸0:1。球賽完結後，被邀請到Players Lounge，先接受球會簡單訪問，之後同古尼頓及杜根咸領隊合照，當職員問我點解喺度，由古尼頓代我向佢哋解釋，我係諾域治球迷但去睇佢比賽，之後同古尼頓傾咗10多分鐘波經，知道佢做客席評述時，原來有不俗收入。然後佢叫我坐佢車，車埋我去火車站離開，其實只係行3條街，佢最後話好appreciate我去睇佢比賽，同埋感謝。

我其實好慚愧，我喺球會只消費1.05鎊，就係喺球會pub睇熱刺對利物浦時買了一杯diet Coke飲……

【編按：想追蹤XXL16餘下朝聖之旅，密切留意下一集】

（我們都是這樣長大、都是這樣睇波的，本欄再接再勵，讓球迷發表睇波經歷與心聲，以及訪問足籃狂迷，暫時不定期上載。各路英雄如欲與大家分享睇波故事或感受，不妨聯絡我們。）

email：ballthirteen@hotmail.com
球十三facebook專頁：
https://www.facebook.com/ballthirteen

謝四勸沙拿回頭是岸：紅軍需要你

2小時前

現役紐記最想簽邊個？基瑾首推基馬尼斯

4小時前

傷「兵」28！阿迪達否認訓練過度

16小時前

【數說英超】蘇保斯拿爾最「紅」

22小時前

伊雲斯辭去紅魔要職

2025/12/10 01:29